 |
| كسوة من كساوي الحنة |
الأسبوع الماضي، حضرت عرس قريبتنا ... مشيت النهار الأول ، في العشية.. عملوا طريح دربوكة نساء صافي ... و بعد دوروها تقطيع و ترييش : هاو فلان عامل لمرتو قدر و قيمة ...يناديلها كان "يا بهيمة" ( حاشاكم )...
جبدت روحي و تحشيت في بيت وحدي، بالكعبة بالكعبة تدخل لين رجعنا كيف بكري .. حكينا على قريبنا الي باش يعرس زادة، طلعت بنت عمتي و قالت : حلمت بيه حلمة خايبة، قالولها : إن شاء الله خير ؟ قالت : مانجمش نحكيها... أما عاودتها في التواليت و جبدت الشاس عليها ! ( سامحوني على العبارات ) ، قعدت باهتة فيها : توا هذا حد نيتك ؟ يا بنتي كيف تحلم حلمة خايبة موش لازم تحكيها .
(قال عليه الصلاة والسلام : الرؤيا ثلاث : فالرؤيا الحسنة بشرى من الله ، والرؤيا تحزين من الشيطان ، والرؤيا مما يحدث به الإنسان نفسه ، فإذا رأى أحدكم ما يكرهه فلا يحدث به ، وليقم وليصل . رواه الترمذي وغيره ، وصححه الألباني .)
من بعد هزينا جهاز العروسة و ركحناه في دارها ، كيف كملنا جابت بنية سطل ماء و خيشة، باش تمسح القاعة بعد ها التفرفيشة ، ياخي صاحوا عليها : حرام !
و آني باهتة في عجب العباد ! لازمنا ثورة مخاخ في ها البلاد ! تحكيو بجدكم ؟ وين سمعتوها هذية؟
جاوبوني كعبتين : فما عروسة درا وين، مسحولها دارها ياخي خذاووها بالعين ...
جاب ربي ، فما برشا ناس واعيين، قالولهم نقصوا من البدع و التعوليم !
(قال صلى الله عليه وسلم: وإياكم ومحدثات الأمور، فإن كل محدثة بدعة وكل بدعة ضلالة. رواه مسلم)
في الليل حنة العروسة، جابوا فيها حضرة سوسة. يوصل سومها في الليلة لزوز ملاين... (و عن ماله فيما أنفقه )... يغنيو فيها نساء حسناوات، سمراوات ... أما شعرهم أصفر... تشوفهم تولي تتدهشر ! و تبدا تغني و تعزف على الكمنجة، و تعلل على للا الغنجة !
تسمع هاك النشاز و الموسيقى و الكلمات العزيزة الغالية ! من معجم الحوت و البحر ما خرجناش ! قداش يتقام سعدو الحوات في العروسات .. ( تحية ليه و ربي يعينو )، ضربة ثنين يتحفوك بسلوڨون من نوع :" لقطة لقطة ، جيب الحوت من سلقطة "، "أرمي الخيوط و اجبد الحوت على عروستنا كيف الياقوت, "حوت و قاروس على العروسة و العروس" " ...
و ساعات يبدا معاهم "راجل" ( و نعتذر من كل رجال تونس خاطرني اعتبرتو واحد منكم ) ، يغني عامل جو " يمين، يسار ، لوح لوح لوح ، ولا روح... أشطح يا روحي" . و في ختام كل غناية، يتوبوا الكل و يقولولك : الي يعشق النبي يصلي عليه ( صلى الله عليه و سلم ) و يزغرد عليه ؟! ( درا شنية محلها من الإعراب ؟ )
من غدوة حنة العروس بالسلايمية ، قبل الحفلة يصليو صلاة العشاء جماعة، سهرة نظيفة و ناس تقية .. يرتلو القرآن و يغنيو أغاني دينية : "يا محمد يا جد الحسنين" و "سلام الله على ابن مريم" ... بعد شوية ، ريت واحد منهم ينادي للعروس، قلو جيبلنا كرتوشة مارلبورو !
جبدت روحي و تحشيت في بيت وحدي، بالكعبة بالكعبة تدخل لين رجعنا كيف بكري .. حكينا على قريبنا الي باش يعرس زادة، طلعت بنت عمتي و قالت : حلمت بيه حلمة خايبة، قالولها : إن شاء الله خير ؟ قالت : مانجمش نحكيها... أما عاودتها في التواليت و جبدت الشاس عليها ! ( سامحوني على العبارات ) ، قعدت باهتة فيها : توا هذا حد نيتك ؟ يا بنتي كيف تحلم حلمة خايبة موش لازم تحكيها .
(قال عليه الصلاة والسلام : الرؤيا ثلاث : فالرؤيا الحسنة بشرى من الله ، والرؤيا تحزين من الشيطان ، والرؤيا مما يحدث به الإنسان نفسه ، فإذا رأى أحدكم ما يكرهه فلا يحدث به ، وليقم وليصل . رواه الترمذي وغيره ، وصححه الألباني .)
من بعد هزينا جهاز العروسة و ركحناه في دارها ، كيف كملنا جابت بنية سطل ماء و خيشة، باش تمسح القاعة بعد ها التفرفيشة ، ياخي صاحوا عليها : حرام !
و آني باهتة في عجب العباد ! لازمنا ثورة مخاخ في ها البلاد ! تحكيو بجدكم ؟ وين سمعتوها هذية؟
جاوبوني كعبتين : فما عروسة درا وين، مسحولها دارها ياخي خذاووها بالعين ...
جاب ربي ، فما برشا ناس واعيين، قالولهم نقصوا من البدع و التعوليم !
(قال صلى الله عليه وسلم: وإياكم ومحدثات الأمور، فإن كل محدثة بدعة وكل بدعة ضلالة. رواه مسلم)
في الليل حنة العروسة، جابوا فيها حضرة سوسة. يوصل سومها في الليلة لزوز ملاين... (و عن ماله فيما أنفقه )... يغنيو فيها نساء حسناوات، سمراوات ... أما شعرهم أصفر... تشوفهم تولي تتدهشر ! و تبدا تغني و تعزف على الكمنجة، و تعلل على للا الغنجة !
تسمع هاك النشاز و الموسيقى و الكلمات العزيزة الغالية ! من معجم الحوت و البحر ما خرجناش ! قداش يتقام سعدو الحوات في العروسات .. ( تحية ليه و ربي يعينو )، ضربة ثنين يتحفوك بسلوڨون من نوع :" لقطة لقطة ، جيب الحوت من سلقطة "، "أرمي الخيوط و اجبد الحوت على عروستنا كيف الياقوت, "حوت و قاروس على العروسة و العروس" " ...
و ساعات يبدا معاهم "راجل" ( و نعتذر من كل رجال تونس خاطرني اعتبرتو واحد منكم ) ، يغني عامل جو " يمين، يسار ، لوح لوح لوح ، ولا روح... أشطح يا روحي" . و في ختام كل غناية، يتوبوا الكل و يقولولك : الي يعشق النبي يصلي عليه ( صلى الله عليه و سلم ) و يزغرد عليه ؟! ( درا شنية محلها من الإعراب ؟ )
من غدوة حنة العروس بالسلايمية ، قبل الحفلة يصليو صلاة العشاء جماعة، سهرة نظيفة و ناس تقية .. يرتلو القرآن و يغنيو أغاني دينية : "يا محمد يا جد الحسنين" و "سلام الله على ابن مريم" ... بعد شوية ، ريت واحد منهم ينادي للعروس، قلو جيبلنا كرتوشة مارلبورو !
غالي و الطلب رخيص و أعوذ باللّه من إبليس !
زادو شوية و دوروها ربوخ وشركيات، حديث فارغ و خزعبلات ... ما تقولوليش فولكلور تونسي يعيشكم، كان بعض الناس جهال ( سامحوني على الكلمة ) موش لازم نتبعوهم في الهبال ! و "ارمي الحبال و اجبد الغزال على عروسنا سيد الرجال" ...( هههه .. هذية تابعة للسهرة اللي فاتت) ..
هاو : سيدي منصور ... يا مازري حل البيبان ،بابا بحري و احضرلو يا بن عباس ... نادوا على أم الزين ( هذية ولية صالحة في معتمدية جمّال في المستير، و الباقي لوج عليهم شكون ... )
آخر ليلة ، ليلة العرس ، سهرة في أوتيل في القنطاوي، أمورهم هانية و... تفزعك يا نجاة, الدنيا فانية !
كركروني بالسيف علي، فديت من العروسات و ما نحبش السهرات هذية !
قعدنا أقل من الساعة، على الدخلة جابولنا " الفنانة ثريا"، سمراء و شعرها أصفر حتى هي ! لابسة درا شنية و بدات تتمعجن علي :" يانا يانا ، يانا يانا ، في حبيبي أموت أنا ..." وين تلقاني وقتها "آنا" ! سهرة الهانة ! قريب نتخنق بغصتي،آش ما هزني ؟! شكارة ذنوب حطيتها على رقبتي ، آش لزني !
بعد شوية غنات " قالوا زيني عامل حالة" و حطت الميكرو في وجه العروس باش يقول "مالا لا" ... آآآه يا قلبي على العسول... ملا رويق بارد و العروس حاشم بالسيف عليه يعاود ...
ما نحكيش على بعض المدعويين، كيفاش لابسين، قداش حلة و تجعوين ، ربي يهديني و يهدي جميع المسلمين ...
غزرت لدارنا و قلتلهم : في يدكم دقيقتين، و لاعاد داخلة لصالة أفراح كيف هكاو لا حاطة روحي في ها المعامع ، هاو حلفتو بيمين!
زادو شوية و دوروها ربوخ وشركيات، حديث فارغ و خزعبلات ... ما تقولوليش فولكلور تونسي يعيشكم، كان بعض الناس جهال ( سامحوني على الكلمة ) موش لازم نتبعوهم في الهبال ! و "ارمي الحبال و اجبد الغزال على عروسنا سيد الرجال" ...( هههه .. هذية تابعة للسهرة اللي فاتت) ..
هاو : سيدي منصور ... يا مازري حل البيبان ،بابا بحري و احضرلو يا بن عباس ... نادوا على أم الزين ( هذية ولية صالحة في معتمدية جمّال في المستير، و الباقي لوج عليهم شكون ... )
آخر ليلة ، ليلة العرس ، سهرة في أوتيل في القنطاوي، أمورهم هانية و... تفزعك يا نجاة, الدنيا فانية !
كركروني بالسيف علي، فديت من العروسات و ما نحبش السهرات هذية !
قعدنا أقل من الساعة، على الدخلة جابولنا " الفنانة ثريا"، سمراء و شعرها أصفر حتى هي ! لابسة درا شنية و بدات تتمعجن علي :" يانا يانا ، يانا يانا ، في حبيبي أموت أنا ..." وين تلقاني وقتها "آنا" ! سهرة الهانة ! قريب نتخنق بغصتي،آش ما هزني ؟! شكارة ذنوب حطيتها على رقبتي ، آش لزني !
بعد شوية غنات " قالوا زيني عامل حالة" و حطت الميكرو في وجه العروس باش يقول "مالا لا" ... آآآه يا قلبي على العسول... ملا رويق بارد و العروس حاشم بالسيف عليه يعاود ...
ما نحكيش على بعض المدعويين، كيفاش لابسين، قداش حلة و تجعوين ، ربي يهديني و يهدي جميع المسلمين ...
غزرت لدارنا و قلتلهم : في يدكم دقيقتين، و لاعاد داخلة لصالة أفراح كيف هكاو لا حاطة روحي في ها المعامع ، هاو حلفتو بيمين!
ههههه عجبتني برشة التدوينة. فيها ضحكة على القليلة بالرغم من أن المحتوى ما يضحكش برشة (يبكي في بعض الأحيان). الله يهدي . زعمة "الله يهدي" كافية ؟ مش ضعف إيمان ؟
RépondreSupprimerبالنسبة للمغني ، كنت تنجم تقول ذكر، يمكن حتى هو يتغشش كيف تقول عليه "راجل" ههه
سلام :)
Excellent ma belle, mis à part l'aspect comique de la chose, t'as mis l'accent sur un vrai problème de croyance "3a9ida", nous sommes à des années lumières de notre islam encore et toujours !
RépondreSupprimer@ Wael :
RépondreSupprimerو عليكم السلام و الرحمة، شكرا جزيلا، فرحانة إنها نالت إعجابكم :)
كيف ما قلت إنت، هي من المضحكات المبكيات ... ر بما يكون ضعف الإيمان إذا حكينا على الإنسان إلي يعرف إنو الشي اللي يصير غالط و ما يتكلمش و يزيد يحظر ( ربي يغفرلي و يغفرلنا الكل:/ ) و ربما يعمل حفلة كيف هكاكا رغم كل شيء ، أما بالنسبة للباقي آني نشوفها مسألة جهل و قلة وعي وساعات لامبالاة أكثر منها حاجة أخرى ... و ربي يهدي
:)
@ Primavera :
شكرا صديقتي الوفية :)) هي فعلا مشكلة إيمانية، و فما برشا خلط مفاهيم، فما برشا حاجات يحسابوها الناس من الدين و هو بريء من ذلك، برشا بدع و برشا تجاوزات و تمسك بعادات و تقاليد فارغة حتى من قبل الناس إلي تعرف .. و نرجع و نقول هي مشكلة قلة وعي و تقصير ، ربي يتوب علينا الكل و يهدينا :)
السلام عليكم
RépondreSupprimerأسلوب السرد يعمل الكيف
أما نحسّ اللّي ناقصة حاجة في الحكاية
يمكن على خاطرك ما حدّدتش السبب أو الأسباب المباشرة للظاهرة هاذي و أمثالها رغم أنّك ضمّنت بعض التحليل من خلال الروابط
يظهرلي اللّي المشكلة أعمق من كونها ضعف ايمان ولاّ فساد عقيدة
حسب اعتقادي في ظلّ سياسة تجفيف المنابع و التغييب التّام للدّين في فترة رجعيّة دامت جيلين المواطن التونسي المتوسّط القاري المتعلّم ولّى يستمدّ جزء كبير من حياته الروحانيّة من العادات و التقاليد
و صادف أنّه العادات و التقاليد ماخذة برشة من دين الاسلام... هكّاكة بالزّهر
ربّي يفرّج على الأمّة و يرفع عنها هذا البلاء
و عليكم السلام و رحمة الله و بركاته،
Supprimerبارك الله فيك تاتاشي ، و شكرا على التعليق ،
أكيد مانجمش نتطرق لكل شيء في تدوينة وحدة، و الحقيقة الجانب الي حكيت عليه ما جاش لبالي و آني نكتب :) أكيد المسألة عندها برشا أسباب من بينها الإستبداد و التعتيم الي كنا عايشين فيه، و الحمد لله إنو الناس ولات أكثر وعي حتى من قبل الثورة ..
لكن فما حاجة أخرى ، كي قريت كلامك فكرت طول في نسيات من العائلة ، ما يعرفوش يقراو و لا يكتبو، ما يعرفو من القرآن كان سورة "الحمد لله" ، نساء كي كانو صغار و يمرضو أمهم تهزهم بحذا شجرة في الحمادة و تقول "يا للا السدرة داويلي بينتي" :/
المشكلة في أجيال ... من عهد الدولة العثمانية، و زيد كمل عليهم التحول المبارك .. ربّي يفرّج على الأمّة و يرفع عنها هذا البلاء كيف ما قلت :) و السلام
je kiffe
RépondreSupprimeryou're welcome :)
RépondreSupprimertrès bon sujet bravo
RépondreSupprimerربّي يبارك لك أشواق، نوّرت المحلّ :))
Supprimer